Sunday, October 31, 2010

മോഹന്‍ലാലിനും എനിയ്ക്കും ഡ്രൈവിങ് ലൈസന്‍സ് കിട്ടി !! ഡ്രൈവിങ് വീരഗാഥ - പാര്‍ട്ട് - 1

പകുതി നിങ്ങള്‍ അറിഞ്ഞു കഴിഞ്ഞു.  

എന്നാല്‍ അറിയേണ്ട പകുതി ചാരം മൂടി കിടക്കുന്നു.  

8 വര്‍ഷം മുന്നാടി നടന്ന കഥൈ.  

ബാക്കിയെല്ലാം പഠിച്ചു. ഇനി ഡ്രൈവിങ് ആവാം എന്നു കരുതി നേരം തെറ്റിയ നേരത്ത് ദുബായിയുടെ ഫേമസ് ഡ്രൈവിങ് സ്കൂളിന്റെ പടി കയറി.  

വളയം പിടി, 8, എച്ച്, സൈഡ് പാര്‍ക്കിങ്, ഹില്ല് ... ആഹാ.. എല്ലാം വേഗം വേഗം കടന്നുകിട്ടി. എന്നെ പഠിപ്പിച്ച ആശാനും ഭയങ്കര സന്തോഷം.. താനൊരു സംഭവം തന്നെ.. സര്‍ട്ടിഫിക്കറ്റ് അടിച്ചു കൈയ്യില്‍ തന്നു. ആത്മവിശ്വാസം 100-100 ഇല്‍ സൂചി വിറപ്പിച്ചു. ആദ്യത്തെ റോഡ് റ്റെസ്റ്റ് കഴിഞ്ഞപ്പോള്‍ സൂചി 10-നു താഴെയെത്തി. എന്താ സംഭവമെന്ന് പ്രത്യേകിച്ച് പറയേണ്ടതില്ല. ടെസ്റ്റുകളനവധി വീണ്ടും കഴിഞ്ഞു. ഞാന്‍ തീയറി ക്ലാസില്‍ സഹായിച്ച പല ജൂനിയേര്‍സും പാസ്സായതിന്റെ ലഡു വാങ്ങി തന്ന് അനുഗ്രഹം വാങ്ങി പോയി.   

9 ടെസ്റ്റ് കഴിഞ്ഞപ്പോള്‍ പോയ ആത്മവിശ്വാസം തിരികെയെത്തി. ഇനി എന്തെങ്കിലും ഒക്കെ നടക്കും. 10 -ആം ടെസ്റ്റ്. സ്റ്റാര്‍ട്ട് ഒക്കെ, ലൈന്‍ ചേഞ്ച്, യുറ്റേണ്‍, പാര്‍ക്കിങ്ങ് ഒക്കെ ഓക്കെ. ഹാവൂ ഒരു മെരുങ്ങാത്ത കുതിരയെ മെരുക്കിനടത്തിയ സന്തോഷം. ഇനി പോലീസിന്റെ പാസ് സര്‍ട്ടിഫിക്കറ്റ് വാങ്ങണം, ലഡു, ചെലവ്, പുതിയ വണ്ടിയ്ക്ക് എന്താവും വില? പഠിച്ച മോഡല്‍ സണ്ണി തന്നെ ആയാലോ? ... ആലോചിക്കാം..  

കൂടെ ടെസ്റ്റുണ്ടായിരുന്ന 3 പേരും തോറ്റു. പാവങ്ങള്‍. ശെരിക്ക് പഠിക്കാഞ്ഞിട്ടല്ലേ.. സാരമില്ല അടുത്ത പ്രാവശ്യം ശെരിയാകും. അവരും പോയി.  

ഞാനും പോലീസ് മാമനും മാത്രം.  

‘എത്ര ടെസ്റ്റായി? ‘,  

‘10’,  

‘അപ്പൊ കൊറേ സ്കൂളില്‍ കൊടുത്തല്ലോ?’  

‘എന്തു ചെയ്യാം സാറെ? ഇപ്പഴാശരിയായത്’, 

‘ഇപ്പം ശരിയായെന്ന് ആരു പറഞ്ഞു?’  

‘ ????’ 

 ‘ എടോ മകനേ.. താന്‍ തരക്കേടില്ലാതെ ഇന്നു വണ്ടി ഓടിച്ചു. പക്ഷേ അത് ഞാന്‍ എഴുതി തന്നാലല്ലേ ലൈസന്‍സ് കിട്ടൂ?’  

‘സാറെ ഒരു വണ്ടി വാങ്ങേണ്ട പൈസ ഇവരു ഫീസായി തന്നെ വാങ്ങീട്ടൊണ്ട്.. ചതിക്കരുത്’ , 

 ‘ ചതിക്കൂലടോ.. ഒരു പാലമിട്ടാല്‍ അങ്ങോട്ടും ഇങ്ങോട്ടും വേണ്ടേ?’  

‘ സാറേ ചങ്കില്‍ കൊള്ളുന്ന തമാശ പറയാതെ ഒള്ള കാര്യം ഒള്ളപോലെ എഴുതി തന്നാല്‍ നൂറു പുണ്യം കിട്ടും’,  

‘പുണ്യം അക്കൌണ്ടില്‍ ഇടാന്‍ പറ്റില്ല മോനേ’  

‘സാറ് എന്താ ഉദ്ദേശിച്ചത്?’  

‘ വളച്ചുകെട്ടുന്നില്ല, ഒരു 2000 ദിര്‍ഹം കൊണ്ടുവന്ന് ലൈസന്‍സും വാങ്ങി പോകാം.  എന്താ?’ 
  
കര്‍ത്താവേ ഞാന്‍ ഇന്ത്യയിലോ യു എ ഇയിലോ?   

‘ സാറെ വളഞ്ഞ വഴിക്ക് പോകാന്‍ മനസ്സു തോന്നാഞ്ഞതികൊണ്ടല്ലേ ഇത്രയും പൈസ പഠിക്കാന്‍ മുടക്കിയത്’, 

 ‘ നേരേവഴിക്കാരന്‍ ഒരു കാര്യം ചെയ്യ്.. ഇപ്രാവശ്യവും കൂടി താന്‍ തോറ്റു. അടുത്തവട്ടം വേറേ ആരുടെയെങ്കിലും അടുക്കല്‍ ഭാഗ്യം പരീക്ഷിക്ക്.. ഇന്നാ കടലാസു പിടി..’    


എന്റെ നിറഞ്ഞ കണ്ണുകളെ അവഗണിച്ച് അയാള്‍ നടന്നു നീങ്ങി ...  



(ബാക്കി പറയണോ ? സംഭവബഹുലമായ രംഗങ്ങൾ ബാക്കി)

പാർട്ട് 2 ഇവിടെ



Sunday, October 24, 2010

ഇതു താൻഡാ ഡാൻസ് !

അരക്കെട്ടുകൊണ്ട് ആഭാസക്കുലുക്കു കുലുക്കുന്ന സിനിമാറ്റിക് / ഡപ്പാംകുത്ത് / റിയാലിറ്റി കൂപമണ്ഡൂകങ്ങൾക്ക് ഒരു പാഠമായെങ്കിൽ.....!!

Credit & Copyright to original up_loader ...

Friday, October 22, 2010

Krishnan is the only Indian in a list of 10 heroes that CNN has picked worldwide to honour!

This is not my post. But it deserves your attention. Please see the mail below !

----- Original Message -----
From: Gopal Nair
Sent: Thursday, October 21, 2010 9:44 AM
Subject: Krishnan is the only Indian in a list of 10 heroes that CNN has picked worldwide to honour!

Dear Friends
Let us salute him for his humanity! We all should be proud of him.
Yours Loving
Gopal
Congratulations for the wonderful integration of members across the globe
Kindly go through the following mail and if you deem feel fit, kindly circulate it among the members. 
The mail is a request for us to Vote for Mr. Krishnan who serves food to the poor. He is the only Indian selected by CNN for the CNN Hero of the year award.   The last date to vote is November 18.  
You may log on to http://heroes.cnn.com/vote.aspx for details.
No monetary contributions, only few seconds of yours.
Keep up the good work.

 Catch: He brings hot meals to India's homeless – so please vote for him

New Delhi:  If you had not heard of Narayanan Krishnan, as I had not, it is a collective failure. This is one of the most incredible stories of personal commitment.

 Narayanan Krishnan, all of 29 years old now, does what he was professionally trained to do as a chef. Feed people. Only Krishnan does not do this in the swanky confines of a 5-star hotel. Every day, he wakes up at 4 am, cooks a simple hot meal and then, along with his team, loads it in a van and travels about 200 km feeding the homeless in Madurai, Tamil Nadu.

Krishnan feeds, often with his hands, almost 400 destitute people every day. And for those who need it, he provides a free haircut too.

According to CNN, eight years ago, this award-winning chef with a five-star hotel chain was all set to go to Switzerland for a high-profile posting. On a visit to a Madurai temple, he came across a homeless, old man eating his own human waste. That stark sight changed Krishnan's life.

Much to the dismay of his parents, CNN says, Krishnan abandoned his career plans and decided to spend his life and his professional training in looking after those who could not care for themselves. He has provided more than 1.2 million hot meals through his nonprofit organisation Akshaya Trust, and now hopes to extend this to shelter for the homeless too.
 
Krishnan is the only Indian in a list of 10 heroes that CNN has picked worldwide to honour. One of them will be chosen CNN Hero of the Year, selected by the public through an online poll. If many Indians get together to vote for this inspiring man, he can win by a long mile.
 
If Krishnan wins he will get $100,000 in addition to the $25,000 that he gets for being shortlisted for the Top 10. Akshaya Trust needs all the monetary support it can get to build on Krishnan's dream. Let's help him get there.
Vote for Krishnan here. 
  (
http://heroes.cnn.com/vote.aspx)The poll continues through November 18 at 6 a.m. ET. 

Read more at: http://www.ndtv.com/article/catch%20of%20the%20day/catch-he-brings-hot-meals-to-india-s-homeless-61029?cp

Thursday, October 21, 2010

വോട്ട് ... !!

ഇന്ന് രണ്ടു ബ്ലോഗ് പോസ്റ്റുകളില്‍ കമന്റിയവ ചേര്‍ത്ത് ഒരു ചുമ്മാപോസ്റ്റ് കിടക്കട്ടെ ..

എന്റെ നിയോജകമണ്ഡലത്തിൽ സ്ത്രീ അല്ലാത്തതിനാലും പട്ടികജാതി അല്ലാത്തതിനാലും എന്റെ മത്സരാവകാശം നിഷേധിക്കപ്പെടുന്നു. എന്തു സ്വാതന്ത്ര്യമാണ് ജനാധിപത്യമതേതര ഇന്ത്യ ഒരു പൌരനു നൽകുന്നതെന്ന് അവകാശപ്പെടുന്നത്.



ഇലക്ഷനും മണ്ഡലതലത്തില്‍ സംവരണം വേണോ, പാര്‍ട്ടി പട്ടികയില്‍ പോരേ, സ്വതന്ത്രര്‍ മത്സരിക്കണ്ടേ? . ഈ രണ്ടു സംവരണവും മാറി എന്നാ എനിയ്ക്ക് ഒന്നു മത്സരിക്കാന്‍ അവസരം കിട്ടുക ? ജനസേവനം ചെയ്യാന്‍ മുട്ടീട്ടു വയ്യ. 


ഒരു വോട്ടു ചെയ്യുന്നതിനു മുന്‍പ് നമ്മള്‍ നേതാവായി തിരഞ്ഞെടുക്കുന്നയാള്‍ നമ്മളെക്കാള്‍ ഒരു പടിയെങ്കിലും മുന്നില്‍ നില്‍ക്കുന്നുവെന്ന് ഉറപ്പാക്കണ്ടെ?

- വിദ്യാഭ്യാസത്തിലും ലോകവിവരത്തിലും പുരോഗമനചിന്തയിലും ദിശാബോധത്തിലും വിനയത്തിലും ഭാഷയിലും വാക്കിലും പ്രവര്‍ത്തിയിലും, കൂടെ വിശ്വാസത്തിലും ഒരോ സ്ഥാനാര്‍ത്ഥിയേയും തൂക്കിനോക്കിയിട്ടേ വിലയേറിയ സമ്മതിദാനാവകാശം ഉപയോഗിക്കാവൂ..

അത് വിലയേറിയതാണെന്ന ബോധം കൊടുക്കുന്നവനുണ്ടാവണം.

അന്നേ അര്‍ഹതയുള്ളവര്‍ തലപ്പത്തെത്തൂ...

മദ്യം ദേശീയ പാനീയമാക്കാന്‍ കൈ പൊക്കുന്നവനും ലോകം/താങ്കള്‍ ആദരിക്കുന്നവരെ തരം താണ ഭാഷയില്‍ സംബോധന ചെയ്യുന്നവരെയും ഒക്കേ പാര്‍ട്ടി വിശ്വാസങ്ങള്‍ കണക്കിലെടുക്കാതെ പുറത്തു നിര്‍ത്താന്‍ കഴിഞ്ഞാലേ നമ്മുടെ തെരഞ്ഞെടുപ്പ് മനസ്സാക്ഷിയുള്ളവര്‍ക്ക് നീതിപൂര്‍വ്വമാകൂ..

അതു പള്ളി പറഞ്ഞാലും പാര്‍ട്ടി പറഞ്ഞാലും അങ്ങനെയേ ആകാവൂ..


എന്റെ അഭിപ്രായമാണേ ... വിട്ടുകള ...

Monday, October 4, 2010

ദ്യ .... ദ്യ .... ദ്യ ...

ഒരു ചിന്ന അസ്കിത.... .

ബഹുമാനപ്പെട്ട ഏഷ്യാനെറ്റ്, കൈരളി, സൂര്യ, ജീവന്‍, അമൃത, മനോരമ, ഇന്ത്യാവിഷന്‍, ...... റ്റെലിവിഷന്‍ അവതാരകരേ/ വാര്‍ത്താവായനക്കാരേ .......
കേയെസ്യു, എസെഫൈ, എബിവിപി, എഅയ്യെസെഫ്... നേതൃനിരയും... വിദ്യാഭ്യാസമന്ത്രിയും ഉള്‍പ്പെടുന്ന രാഷ്ട്രീയനേതാക്കന്മാരേ ....

ഈ ‘വിദ്യാര്‍ത്ഥി’ എന്ന് എങ്ങനെയാണ് പറയുക. ‘ദ്യ‘ എങ്ങനെയാ ഉച്ചരിക്കുക. ‘അദ്ധ്യാപകന്‍’ എന്നു പറയുമ്പോള്‍ ‘ദ്ധ്യ’ യ്ക്ക് ഉള്ള കടുപ്പം ‘വിദ്യാര്‍ത്ഥി’ യിലെ ‘ദ്യ‘ യ്ക്ക് വേണോ?

വേണ്ടെങ്കില്‍ പിന്നെ നിങ്ങള്‍ എന്താ ‘വിധ്യാര്‍ത്ഥി’ എന്നു പറയുന്നത്?  ഇനി അതാണു ശരിയെങ്കില്‍ ‘ശ്രീവിദ്യ’ യ്ക്ക് ‘ശ്രീവിധ്യ‘ എന്ന് എന്താ പറയാത്തത്? .


ഇത് ഓര്‍ക്കാന്‍ വിഷമമാണെങ്കില്‍ എളുപ്പം ഓര്‍ക്കാന്‍ പറ്റിയ, നിങ്ങള്‍ ഇതുവരെ തെറ്റായി ഉച്ചരിച്ചിട്ടില്ലാത്ത ഒരു ക്ലൂ തരാം  -- ‘മദ്യം’ എന്നതിന്റെ ‘ദ്യ’ തന്നെ ‘വിദ്യാര്‍ത്ഥി’ യുടെയും ‘വിദ്യാഭ്യാസം’ ന്റെയും ‘ദ്യ’

‘വിദ്യാഭ്യാസം’ തന്നെയല്ലേ ശരി. അതോ വകുപ്പുമന്ത്രി പറയുന്നതുപോലെ ‘വിദ്യഭ്യാസം’ ആണോ? (എന്തര് ആഭാസമോ എന്തോ?).

തല്‍ക്കാലം തിരുത്തേണ്ട. പകരം നമുക്ക് അല്പം കൂടി പരിഷ്കരിക്കാം ‘വിധ്യാര്‍ത്ഥി’, ‘അധ്യാപഹയന്‍’, ‘വിദ്യാഭാസം’  .... തത്തമ്മേ ... പൂച്ച പൂച്ച...



ഓഫ് റ്റോക്ക്..

ഞങ്ങളെ മലയാളം പഠിപ്പിച്ച വര്‍ഗ്ഗീസ് സാറ് നിങ്ങളേയും പഠിപ്പിച്ചിരുന്നെങ്കില്‍ ചന്തിയ്ക്കേ തൊലി അടിച്ചു പൊളിച്ചിട്ടായാലും ശരിയായ ഉച്ചാരണം നിങ്ങളെ പഠിപ്പിച്ചേനേ ... (അനുഭവം ഗുരു)